Թրամփը հայտարարել է, որ Բայդենին չի կարելի վստահել անգամ կոնֆետների խանութի ղեկավարումը
ԱՄՆ նախկին նախագահ Դոնալդ Թրամփը հայտարարել է, որ Սպիտակ տան ներկայիս ղեկավար Ջո Բայդենին չի կարելի վստահել նույնիսկ կոնֆետի խանութի տնօրինումը։ Այս մասին հայտնում է ՏԱՍՍ-ը։
«Եթե փոքր խանութ ունենայիք, օրինակ՝ կոնֆետների, կվստահեի՞ք Ջո Բայդենին ձեր խանութի ղեկավարումը... Պատասխան՝ ոչ մի դեպքում... նրան ոչ ոք չի վստահում, և նա ղեկավարում է երկիրը»,- ասել է քաղաքական գործիչը Նյու Հեմփշիրում իր կողմնակիցների առջև ելույթի ժամանակ։
Թրամփը նշել է, որ Բայդենը ներկայացնում է Միացյալ Նահանգները այնպիսի ուժեղ առաջնորդների հետ հանդիպումների ժամանակ, ինչպիսիք են Ռուսաստանի նախագահ Վլադիմիր Պուտինը և Չինաստանի ղեկավար Սի Ծինփինը։
Նախկին նախագահը մտավախություն է հայտնել, որ Բայդենի քաղաքականության պատճառով Միացյալ Նահանգները կբախվի տնտեսական ճգնաժամի, որը համեմատելի է 1929-1939 թվականների Մեծ դեպրեսիայի հետ։
