Արթուր Դավթյանը դարձավ Եվրոպայի առաջնության եռակի ոսկե մեդալակիր
- Elen Hovsepyan
- 1 day ago
- 1 min read
Հայաստանի մարմնամարզության հավաքականի անդամ, Օլիմպիական խաղերի արծաթե մեդալակիր, աշխարհի և Եվրոպայի չեմպիոն Արթուր Դավթյանը դարձավ Եվրոպայի առաջնության եռակի ոսկե մեդալակիր։
Գերմանիայի Լայպցիգ քաղաքում ընթացող սպորտային մարմնամարզության Եվրոպայի առաջնության հենացատկի վարժության եզրափակիչում Արթուր Դավթյանը վաստակեց 14.799 միավոր՝ գրավելով առաջին տեղը:
Դավթյանը Եվրոպայի չեմպիոն էր դարձել նաև 2021 ու 2023 թվականներին:
Հայաստանի ներկայացուցիչներից ավելի վաղ ԵԱ-ի չեմպիոնությունը նվաճել էր նաև Համլետ Մանուկյանը, Մամիկոն Խաչատրյանը դարձել էր արծաթե, իսկ Արթուր Ավետիսյանը՝ բրոնզե մեդալակիր:
