Թուրքիան աջակցել է Նիդեռլանդների վարչապետի՝ ՆԱՏՕ-ի գլխավոր քարտուղարի պաշտոնում նշանակմանը

Թուրքիան աջակցել է Նիդեռլանդների վարչապետ Մարկ Ռյուտտեի՝ ՆԱՏՕ-ի գլխավոր քարտուղարի պաշտոնում նշանակմանը, հայտնում է NOS հեռուստաալիքը՝ հղում անելով աղբյուրներին։

Անցյալ շաբաթ Ռյուտտեն այցելել է Թուրքիա և հանդիպել երկրի նախագահ Ռեջեփ Թայիփ Էրդողանի հետ։

NOS-ը նշել է, որ Թուրքիան ՆԱՏՕ-ի չորս երկրից մեկն է, որը դեռ աջակցություն չի հայտնել Ռյուտտեի թեկնածությանը:

Այժմ նա պետք է ստանա Հունգարիայի, Սլովակիայի և Ռումինիայի իշխանությունների աջակցությունը։ ՆԱՏՕ-ի գլխավոր քարտուղարի պաշտոնում նշանակվելու համար նրա թեկնածությունը պետք է միաձայն հաստատեն դաշինքի անդամ բոլոր 32 երկրները։

Փետրվարին Գերմանիան, ԱՄՆ-ը և Մեծ Բրիտանիան պաշտոնապես պաշտպանել են Մարկ Ռյուտտեի թեկնածությունը։  Գործող գլխավոր քարտուղար Ենս Ստոլտենբերգի լիազորությունների ժամկետը լրանում է հոկտեմբերին։