Լևոն Քոչարյանը հանդիպել է ԱԺ-ում փորձաշրջան անցնող ուսանողների հետ. հետաքրքրվել են Ռուսաստանի հետ հարաբերություններից
Apr 4, 2025
1 min read
Երեւանի պետական համալսարանի միջազգային հարաբերությունների ֆակուլտետի՝ խորհրդարանում փորձաշրջան անցնող ուսանողների հետ ապրիլի 4-ին հանդիպել եւ զրուցել է ԱԺ «Հայաստան» խմբակցության պատգամավոր Լեւոն Քոչարյանը:
Պատգամավորն անդրադարձել է Հայաստանի ներքին եւ արտաքին քաղաքականության, հարեւան երկրների հետ հարաբերությունների զարգացման ու ռազմավարական դաշնակիցների ընտրության հարցերին:
Լեւոն Քոչարյանը պատասխանել է ուսանողների հարցադրումներին, որոնք վերաբերել են, մասնավորապես, Հայաստանի պետական սահմանի սահմանագծման եւ սահմանազատման գործընթացին, խաղաղության պայմանագրի ստորագրմանը, Ռուսաստանի հետ հարաբերություններին:
