Ամերիկուհին դպրոցական վկայականն ստացել է 99 տարեկանում
- Elen Hovsepyan
- Sep 7, 2024
- 1 min read
Օհայոյի նահանգի բնակչուհի Ջորջիա ՄաքՀարին դպրոցական վկայականն ստացել է 99 տարեկանում։ Նա ստիպված էր թողնել ուսումը 11-րդ դասարանում 1944թ., Երկրորդ համաշխարհային պատերազմի ժամանակ, տեղեկացրել է WTOV9 հեռուստաալիքը։
Աղջկա ընտանիքում ֆինանսական դժվարություններ էին առաջացել, եւ նա որոշել է աշխատել, որպեսզի օգնի հարազատներին։ Սկզբում նա աշխատանքի է անցել դեղատանը, հետո ամուսնու հետ միասին աշխատել է որպես հավաքարար։
Անգամ երկար տարիներ հետո կինը ցանկանում էր ստանալ դպրոցական վկայականը։ Նա իր երազանքի մասին պատմել է ընկերուհուն՝ Մարի Ադամսին, որը որոշել է օգնել դրա իրականացմանը։
Ադամսը կապվել է նախկին համադասարանցու եւ տեղի դպրոցի տնօրեն Ֆիլ Աքերմանի հետ, նա օգնել է կազմակերպել այդ արարողությունը։ Մարին Ջորջիային հրավիրել է իբր ընթրիքի, բայց նրան անակնկալ էր սպասվում։
99-ամյա շրջանավարտին հագցրել են թիկնոց եւ ակադեմիական գլլխարկ, իսկ դպրոցի տնօրենը նրան հանձնել է վկայականը։ Միջոցառման ժամանակ հչել է երաժշտություն, որը կատարվում է ավարտական արարողությունների ժամանակ։
Որպես բացառություն Ջորջիայի վկայականում նշվել է հանձնման օրը՝ 1944թ. մայիսի 19, հենց այդ օրը կինը պետք է ավարտեր դպրոցը։
