Բանալիները հանձնե՛ք, լքե՛ք տարածքը․ Արտաշատում քահանաների հանդեպ ճնշումներ են եղել

Jan 24

1 min read

Նկարում Նիկոլ Փաշինյանի կողմն անցած Գևորգ եպիսկոպոս Սարոյանն է

Եկեղեցու և հոգևորականների դեմ սպառնալիքները չեն դադարում։

MediaHub-ի տեղեկություններով՝ երեկ Արտաշատի տարածքում մի խումբ անձինք, այդ թվում՝ համայնքապետարանի ներկայացուցիչներ, այցելել են տեղի եկեղեցիներն ու քահանաներին կրկին հորդորել՝ կա՛մ միանալ իրենց «բարենորոգման» ծրագրին, կա՛մ հանձնել եկեղեցու բանալիները և լքել տարածքը։

Մեր տեղեկություններով՝ քահանաները չեն համաձայնել և չեն միացել նրանց։

Նրանք նշել են, որ անսասան են իրենց որոշման մեջ և չեն պատրաստվում հակաեկեղեցական որոշումներին ենթարկվել։

Հիշեցնենք, որ Մասյացոտն թեմը հայտարարություն էր տարածել, որ այսօր Ոսկետափ բնակավայրի վարչական ղեկավար Նշան Հովհաննիսյանը և Սուրբ Սահակ–Մեսրոպ եկեղեցու կառուցման հովանավոր Համլետ Գորոյանն այցելել են եկեղեցի և հոգևոր հովիվ Տեր Արտաշես քահանա Հակոբյանից պահանջել են ազատել եկեղեցին։

Էմմա Մարտիրոսյան