Wildberries-ի գրասենյակում որ կողմն է առաջինը կրակ բացել, ինչի հետևանքով կա մեկ զոհ

Wildberries-ի գրասենյակի մոտ կրակ բացած անձինք ընկերության անվտանգության աշխատակիցներ են։ Այս մասին Telegram-ի իր ալիքում հայտնել է շուկայի հիմնադիր Տատյանա Բակալչուկի ամուսինը՝ Վլադիսլավ Բակալչուկը։ Այդ մասին հայտնել է «Գազետա ռու»-ն

«Բարեկամներ, առաջինը կրակ են բացել սևազգեստ հրացաններով մարդիկ, ովքեր Wildberries-ի պահակներն են: Նրանք էին, որ սկսեցին կրակել իմ ու իմ աշխատակիցների վրա։ Տեսանյութը նկարահանվել է գրասենյակի ներսից»,-ասվում է հաղորդագրության մեջ։

United Company Wildberries and Russ-ի մամուլի ծառայությունը պնդում էր, որ առաջինը կրակ են բացել Վլադիսլավ Բակալչուկին ուղեկցող զինված անձինք։

Սեպտեմբերի 18-ին Wildberries-ի հիմնադիր Տատյանա Բակալչուկը հայտնել է, որ իր ամուսինը և զինված մարդիկ փորձել են գրավել ընկերության գրասենյակը Մոսկվայի Ռոմանովի նրբանցքում: Նաև Դինամո փողոցի վրա գտնվող Wildberries-ի գրասենյակ են զինված և դիմակավորված անձինք եկել:

Ինքը՝ Վլադիսլավ Բակալչուկը, պնդում է, որ եկել է բանակցությունների, և իր և իր թիմի վրա հարձակվել են։

Փոխհրաձգություն է տեղի ունեցել բիզնես կենտրոնի մոտ, որտեղ գտնվում է Wildberries-ի գրասենյակը, հինգ մարդ վիրավորվել է։ Wildberries-ի գրասենյակի մոտ տեղի ունեցած կրակոցներից հետո ոստիկանները բերման են ենթարկել մի քանի մարդու։«Ռոմանով դվոր» առևտրի կենտրոնում տեղի ունեցած հրաձգության ժամանակ Wildberries-ի գրասենյակում մահացել է գրասենյակի անվտանգության աշխատակիցը։ Այս մասին հայտնել էր ՏԱՍՍ-ը։

Տատյանա Բակալչուկն ավելի ուշ Telegram-ի իր ալիքումհաստատել է այդ տեղեկությունը։

«Խորին կսկիծով հայտնում եմ, Wildberries-ի վրա զինված հարձակման հետևանքով մեր գրասենյակի անվտանգության աշխատակիցը մահացել է»,-գրել է նա: