«Գիտխորհրդի կազմում չեն ներառել դոկտոր-պրոֆեսորների՝ պայմանավորված նրանց քաղաքական հայացքներով». Կարապետ Պողոսյան

Իրավապաշտպան, ընդդիմադիր գործիչ Կարապետ Պողոսյանի ֆեյսբուքյան գրառումը. «Ահազանգ Շիրակի Պետական Համալսարանից

Ըստ մեզ ահազանգած դասախոսների՝ համալսարանում փորձում են վերջնական ավիրել կրթագիտական մակարդակը։ Վաղվանից սկսվում է մի քանի ամբիոնների վարիչների նոր ընտրական պրոցեսը։ Մեզ տեղեկացրել են, որ արդեն գիտխորհրդի կազմում գրեթե չեն ներառել համալսարանի դոկտոր֊պրոֆեսորների, զուտ պայմանավորված նրանց քաղաքական հայացքներով, կառավարման մարմինը ամբիոնի վարիչներ փորձում է նշանակել իր կամակատարներին, ըստ մեզ ահազանգող աշխատակիցների՝ դրանք մարդիկ են, ովքեր նույնիսկ մաքուր հայերենին չեն տիրապետում։

ԲՈՒՀ-ի պրոֆեսորա-դասախոսական կազմն ակնկալում է լրատվականների լայն աջակցությունը, որպեսզի կանխվի Շիրակի մայր բուհի վերջնական ավիրումը»: