Իրաքը հայտարարել է Իրանի հետ շփումների մասին՝ Հորմուզի նեղուցով տանկերների անցման հարցով
Իրաքը կապի մեջ է Իրանի հետ, որպեսզի թույլտվություն ստանա իրաքյան նավթով բեռնված տանկերների անցման համար Հորմուզի նեղուցով: Այս մասին հայտարարել է Իրաքի նավթի նախարար Հայյան Աբդել Ղանին, ում խոսքերն է մեջբերում Իրաքի պետական լրատվական գործակալությունը՝ INA-ն։
«Շփումներ են հաստատվել Իրանի հետ՝ իրաքյան նավթ տեղափոխող մի շարք տանկերների անցման թույլտվություն ստանալու նպատակով»,- ասել է նախարարը:
Ըստ INA-ի տվյալների՝ տարածաշրջանային իրադարձությունների պատճառով Իրաքում նավթի արդյունահանումը օրական 4,3 միլիոն բարելից նվազել է մինչև 1,2 միլիոն:
Հիշեցնենք, որ Իրանի շուրջ էսկալացիան հանգեցրել է Հորմուզի նեղուցի փաստացի շրջափակմանը, որը Պարսից ծոցի երկրներից համաշխարհային շուկա նավթի և հեղուկացված բնական գազի մատակարարման հիմնական երթուղին է։ Սա անդրադարձել է նաև տարածաշրջանի երկրների արդյունահանման և արտահանման ծավալների վրա։
