Թրամփը չի հանդիպի Զելենսկու հետ
Sep 25, 2024
1 min read
ԱՄՆ նախագահի հանրապետական թեկնածու Դոնալդ Թրամփը, ամենայն հավանականությամբ, չի հանդիպի Ուկրաինայի նախագահ Վլադիմիր Զելենսկու հետ, ով Միացյալ Նահանգներում է ՄԱԿ-ի Գլխավոր ասամբլեայի միջոցառումներին մասնակցելու նպատակով։
Թրամփը Politico-ին հաստատել է, որ հանդիպում չի ծրագրում։
Անցյալ շաբաթ Թրամփը ասել էր, որ հավանաբար կհանդիպի Զելենսկու հետ ԱՄՆ այցի ժամանակ։
Սպասվում է, որ Զելենսկին ելույթ կունենա ՄԱԿ-ի Գլխավոր ասամբլեայում և կներկայացնի Ռուսաստանի հետ պատերազմում հաղթելու իր ծրագիրը, ապա հանդիպումներ կունենա նախագահ Ջո Բայդենի և փոխնախագահ Քամալա Հարիսի հետ։
