«Իշխանությունները ոչ միայն Ալիևից են վախենում, այլ մի պարզ ադրբեջանուհուց»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Հայաստանի իշխանությունները ոչ միայն Ալիևից են վախենում, այլ մի պարզ ադրբեջանուհուց: Փոխարենը, երկրի ներսում ասլան են կտրել:

Ուրեմն, Վրաստանի քաղաքացի այս ադրբեջանուհին, որը հայտնի է մարդու իրավունքների պաշտպանության հարցերում և քաղհասարակության մեջ, եղել է այն օդանավում, որը վայրէջք է կատարել Երևանում՝ Թբիլիսիի փոխարեն, վատ եղանակային պայմանների պատճառով:

Նրան թույլ չեն տվել դուրս գալ օդանավից՝ իր ազգության պատճառով, կրկնեմ, նա Վրաստանի քաղաքացի ադրբեջանուհի է:

Հիմա դուք, ՀՀ իշխանություններ, ինչով եք տարբերվում Ալիևից կամ Պուտինից:

Ամոթ չի՞:

Ինչ վտանգ է ներկայացնում այս ադրբեջանուհին:

Իրականում, այս ադրբեջանուհին խիզախ է, քանի որ չի վախեցել դուրս գալ օդանավից, իսկ այ նրանք, ովքեր դա թույլ չեն տվել, վախկոտներ են:

Հիմա եթե ռուսները մնացած լինեին Զվարթնոցում, մեղքը կդնեիք ռուսների վրա»։