Քիմ Քարդաշյանը և Քրիս Ջենները դատի են տվելս Քիմի նախկին ընկերոջը՝ զրպարտության համար

Քիմ Քարդաշյանը և նրա մայրը՝ Քրիս Ջենները, դատի են տվել ռեփեր և դերասան Ռեյ Ջեյին, այն բանից հետո, երբ նա պնդել է, որ համագործակցում է դաշնային իշխանությունների հետ՝ հայտնի մոր և դստեր դեմ RICO գործ կառուցելու համար։ «Չկարողանալով հաշտվել Քիմի հետ ավելի քան 20 տարի առաջ ունեցած կարճատև սիրավեպի ավարտի հետ, Ռեյ Ջեյը բազմիցս փորձել է շահագործել հայցվորների անունները անձնական շահույթի համար», - նշվում է հայցում, որի պատճենը հասանելի է Page Six-ին։

Մայիսին Ռեյ Ջեյը TMZ Presents: United States v. Sean Combs: Inside the Diddy Trial վավերագրական ֆիլմում նշել էր, որ «RICO-ի մեղադրանքները Քարդաշյանների դեմ տեղին կլինեին»։

Ռեփերը հետագայում կրկնել է իր պնդումները՝ հայտարարելով. «Քիմի և Քրիսի դեմ հարուցվող դաշնային RICO գործը խելագարություն է լինելու... ՀԴԲ-ն գալիս է։ Ես ոչինչ չեմ կարող անել դրա հետ կապված»։

Քարդաշյանն ու Ջեները իրենց հայցում պնդում են, որ Ռեյ Ջեյը որևէ ապացույց չի ներկայացրել իր մեղադրանքները հիմնավորելու համար, որոնք նրանք անվանում են «ակնհայտորեն կեղծ և գիտակցաբար հորինված»։ «Չկա որևէ դաշնային հետաքննություն, ոչ մի իրավապահ մարմին քրեական վարույթ կամ հետաքննություն չի սկսել Քարդաշյանի կամ Ջեների դեմ, և չկան հավաստի ապացույցներ այդ մեղադրանքները հիմնավորելու համար», - նշվում է փաստաթղթում։

RICO-ն (Racketeer Influenced and Corrupt Organizations Act) կիրառվում է Միացյալ Նահանգներում՝ կազմակերպված հանցագործության, այդ թվում՝ մաֆիայի և հանցավոր սինդիկատների դեմ պայքարելու համար։ Այն թույլ է տալիս հետապնդել կազմակերպություններին և անհատներին համակարգված հանցավոր գործունեության համար, այդ թվում՝ շորթման, խարդախության և այլ լուրջ հանցագործությունների համար։

Հայցվորների փաստաբան Ալեքս Սպիրոն Page Six-ին ասել է. «Քրիս Ջեները և Քիմ Քարդաշյանը երբեք զրպարտության հայց չեն ներկայացրել, բայց այս կեղծ և լուրջ մեղադրանքները նրանց այլընտրանք չեն թողել»։

Դատական հայցը պահանջում է Ռեյին պատասխանատվության ենթարկել իր համակարգված ստի և հետապնդման արշավի համար, վերջ դնել նրանց անունները սեփական հասարակայնության հետ կապերի համար օգտագործելու նրա տարիներ շարունակ ունեցած սովորությանը և ստանալ փոխհատուցում նրանց հեղինակությանը, բիզնեսին և հուզական տառապանքներին հասցված վնասի համար:

Հիշեցնենք, որ Ռեյ Ջեյը հայտնի դարձավ 2000-ականների սկզբին Քիմի հետ սկանդալային սեքս-տեսանյութի շնորհիվ, որից հետո նա բազմիցս հակասական մեկնաբանություններ էր տալիս միջադեպի վերաբերյալ։