«Թրամփի Սպիտակ տուն վերադարձը պահպանողական հեղափոխություն էր»․ Սուրեն Սուրենյանց
Քաղաքագետ Սուրեն Սուրենյանցի ֆեյսբուքյան գրառումը․ «Արդյո՞ք կփակվի «Ազատություն» ռադիոկայանը։
Իլոն Մասկը հայտարարել է, որ անհրաժեշտ է դադարեցնել «Ազատություն» ռադիոկայանի և «Ամերիկայի ձայնը» լրատվամիջոցի գործունեությունը․ դրանց վրա անիմաստ գումարներ են ծախսվում:
Դժվարանում եմ միանշանակ պնդել, թե արդյո՞ք այս երկու լրատվամիջոցները կարժանան USAID-ի ճակատագրին:
Ես, որպես կանոն, միշտ դեմ եմ եղել ԶԼՄ-ների փակմանը ու անկեղծ ասեմ՝ կտխրեմ, եթե դադարեցվի «Ազատություն» ռադիոկայանի հայկական ծառայության գործունեությունը:
Եթե նույնիսկ որոշ դեպքերում անհամաձայնություն եմ ունեցել «Ազատություն» ռադիոկայանի խմբագրական քաղաքականության հետ, միշտ բարձր եմ գնահատել նրա լրագրողների պրոֆեսիոնալիզմը:
Մյուս կողմից, Թրամփի Սպիտակ տուն վերադարձն, ըստ էության, պահպանողական հեղափոխություն էր՝ էլեկտորալ ճանապարհով, ինչը սկզբունքորեն կարող է փոխել Վաշինգթոնի արտաքին քաղաքականությունը՝ պիտանելիությունից դուրս դնելով այն գործիքները, որոնք ԱՄՆ-ն օգտագործել է տասնամյակներ շարունակ:
Սա էլ իրողություն է, որի հետ դժվար է հաշվի չնստելը»:
