«Հանդիպումից հրաժարումը չի նպաստում խաղաղ գործընթացին»․ Բայրամով
- Elen Hovsepyan
- Jul 18, 2024
- 1 min read
Ադրբեջանի արտաքին գործերի նախարար Ջեյհուն Բայրամովն այսօր Լոնդոնում ընթացող Եվրոպական քաղաքական համայնքի 4-րդ գագաթնաժողովի շրջանակներում հանդիպել է Մեծ Բրիտանիայի արտաքին գործերի նախարար Դևիդ Լեմմիի հետ։ Ադրբեջանական լրատվամիջոցները գրում են, որ Բայրամովը վերջինիս շնորհակալություն է հայտնել՝ գագաթնաժողովի շրջանակում ՀՀ և Ադրբեջանի ղեկավարների հանդիպման անցկացման ջանքերի համար։
Բայրամովը նշել է այն փաստը, որ «հանդիպումը չի կայացել հայկական կողմի հրաժարման պատճառով, ինչը չի նպաստում խաղաղ գործընթացին»։
Նշվում է նաև, որ կողմերը քննարկել են ադրբեջանա-բրիտանական ռազմավարական գործընկերային կապերի տարբեր ասպեկտներն ու հեռանկարները, ինչպես նաև ադրբեջանա-հայկական հարաբերությունների կարգավորման ներկայիս իրավիճակը։
Նշենք, որ ՀՀ ԱԳՆ-ն հերքել է Բաքվի պնդումները, թե հայկական կողմն է հրաժարվել հանդիպումից։
