Թևոսյան փողոցում բախվել են «BMW X5»-ը և «Mitsubishi»-ն․ վնասվել են նաև կայանված «KIA»-ն, «FIAT»-ը և «Москвич»-ը․ կան վիրավորներ

Երեկ՝ հուլիսի 10-ին, խոշոր ավտովթար է տեղի ունեցել Երևանում։ Ժամը 13։50-ի սահմաններում Թևոսյան և Աշոտ Հովհաննիսյան փողոցների խաչմերուկում բախվել են «BMW X5» մակնիշի և «Mitsubishi» մակնիշի ավտոմեքենաները, ինչի հետևանքով վերջինը բախվել է ճանապարհի թույլատրելի հատվածում կայանաված «KIA» մակնիշի, վերջինը «FIAT» մակնիշի, վերջինն էլ «Москвич» մակնիշի ավտոմեքենայի։

Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Արթմեդ» բժշկական կենտրոն։

Վթարի փաստով քննչական բաժնում նախաձեռնվել է քրեական վարույթ, պարզվում են ավտոմեքենաների սեփականատերերի, վարորդների և վիրավորների ինքնությունը։