Բրիտանացի ինֆլուենսերը մեղադրվում է ամուսնուն սպանելու փորձի մեջ․ նա թունավորել էր գինին

Բրիտանացի ինֆլուենսերը, որն ունի մոտ 400,000 հետևորդ, ձերբակալվել է Մալյորկայում՝ իր գործարար ամուսնուն թունավորելու կասկածանքով։

45-ամյա կինը հանգստացնող դեղամիջոցներ է լցրել ամուսնու գինու մեջ՝ պնդելով, որ նա կյանքի ապահովագրություն կնքի։ Դեպքը տեղի է ունեցել հունվարի 10-ին, երբ տղամարդը տարօրինակ համ է նկատել խմիչքի մեջ և ավելի ուշ խորը քուն է մտել։ Նա հոսպիտալացվել է, և թեստերը հաստատել են նրա օրգանիզմում երկու տեսակի հանգստացնող դեղամիջոցների առկայությունը։

Տուժածի խոսքով՝ կինը լցրել է երկու բաժակ և ասել. «Խմիր իմ բաժակից, էլի կա»։ Տղամարդը բողոքել է տհաճ համից, բայց նա ասում է, որ կինը պնդել է, որ ամբողջը խմի։

Դեպքից հետո կինը ներկայացել է Պալմայի դատարան։ Դատավորը նրան ազատ է արձակել մի որոշմամբ, որն արգելում է նրան մոտենալ ամուսնուն 200-500 մետր հեռավորության վրա և որևէ շփում ունենալ նրա հետ։

Լրատվամիջոցների հաղորդագրությունների համաձայն՝ կինը հարգված անգլերենի ուսուցչուհի և հեղինակ է, որը հաճախ է հայտնվել իսպանական թոք-շոուներում։ Զույգն ապրում է Պալմայում և մեծացնում է մի փոքրիկ որդի։ Ոստիկանությունը շարունակում է հետաքննությունը։