Ինչպե՞ս են երեկ պայթյունից տուժած քաղաքացիները
- Elen Hovsepyan
- Oct 1
- 1 min read
Նախօրեին Երևանի Այասի փողոցում գտնվող կարի արտադրամասում պայթյուն էր տեղի ունեցել, որի հետևանքով հոսպիտալացվել է 4 քաղաքացի:
«Տուժածներից մեկն անհրաժեշտ բուժօգնություն ստանալուց հետո դուրս է գրվել: Երկու տուժածի առողջական վիճակը գնահատվում է միջին ծանրության, ստանում են անհրաժեշտ բուժօգնություն, մյուսինը` բավարար», -հայտնել էին ՀՀ առողջապահության նախարարությունից:
MediaHub-ն դիմեց ՆԳՆ-ին՝ պարզելու, թե ո՞րն է եղել պայթյունի պատճառը, սակայն մեր հարցին ի պատասախան հայտնեցին՝ պատճառների մասին վաղ է խոսել, այս պահին ոչ մի հստակ վարկած չկա։
Իսկ ինչ վերաբերում է հոսպիտալացված անձանց առողջական վիճակին, ՀՀ առողջապահության նախարարությունից մեզ հայտնեցին, որ բոլորը միջին ծանրության են՝ ծանր, ծայրահեղ վիճակ, բարեբապտաբար, չունեն։
Հիշեցնենք, նախօրեին Երևանի Այասի փողոցում տեղակայված կարի չգործող արտադրամասի 1-ին հարկի սենյակներից մեկում, դեռևս չպարզված հանգամանքներում, տեղի էր ունեցել պայթյուն։
Էմմա Մարտիրոսյան
