«Վալոդյա Գրիգորյանի սպանությունը հարված է ոչ միայն ընտանիքին»․ Արշակ Կարապետյան

ՀՀ պաշտպանության նախկին նախարար Արշակ Կարապետյանի ֆեյսբուքյան գրառումը․ «Այսօր կորցրեցինք մեր ժողովրդի արժանի զավակին` արդարության ու հայրենասիրության մարտիկ Վալոդյա Գրիգորյանին։ Նրա սպանությունը ոչ միայն հարված է ընտանիքին ու հարազատներին, այլև ամբողջ մեր ազգին։

Դատապարտում եմ այս ծանր հանցագործությունը։ Ով ձեռք է բարձրացնում հայրենիքի պաշտպանի, արդարի ու նվիրյալ մարդու վրա, նա հարվածում է պետությանը, ժողովրդին ու մեր երկրի ապագային։

Իմ խորին ցավակցությունն եմ հայտնում Վալոդյա Գրիգորյանի ընտանիքին, հարազատներին, Փարաքար համայնքին։

Նրա հիշատակը կմնա կենդանի մեր պայքարում, իսկ արդարության պահանջը` անսակարկելի»: