Սերխիո Ռեգիլոնը համալրել է «Ինտեր Մայամիի» շարքերը
Dec 15, 2025
1 min read
Մադրիդի «Ռեալի» և «Տոտենհեմի» նախկին պաշտպան Սերխիո Ռեգիլոնը կարիերան կշարունակի օվկիանոսից այն կողմ։
MLS-ի պաշտոնական կայքը հայտնում է, որ իսպանացի ֆուտբոլիստը համալրել է «Ինտեր Մայամիի» շարքերը։
Կողմերը պայմանագիր են կնքել մինչև 2027 թվականի ավարտը՝ ևս մեկ մրցաշրջանով երկարաձգելու հնարավորությամբ։
Ռեգիլոնը ամերիկյան ակումբին միացել է ազատ գործակալի կարգավիճակով և կոչված է փոխարինելու կարիերան ավարտած Ժորդի Ալբային։
Հիշեցնենք, որ Ռեգիլոնը «արքայական ակումբի» սան է։ Նա հարուստ եվրոպական փորձ ունի՝ հանդես գալով այնպիսի ակումբներում, ինչպիսիք են «Սևիլիան», «Ատլետիկոն», «Մանչեսթեր Յունայթեդը» և «Տոտենհեմը»։
Հավելենք նաև, որ «Ինտեր Մայամին» MLS-ի գործող չեմպիոնն է։
