Գագիկ Ծառուկյանի կալանավորումն ուղիղ քաղաքական պատվեր է և վրեժխնդրnւթյnւն. Մեսրոպ Մանուկյան
- 1 day ago
- 1 min read
«Գագիկ Ծառուկյանին կալանավորել են ոչ թե կոռուպցիայի համար, այլ ուղիղ քաղաքական պատվեր է և վրեժխնդրություն, որն անհասկանալի է»,- դատարանի մոտ լրագրողների հետ զրույցում ասաց ԱԺ «Հայաստան» խմբակցության պատգամավոր Մեսրոպ Մանուկյանը։
Ըստ նրա, այդ վրեժխնդրությունն զուգորդվում է անհասկանալի վատ սցենարաներով, որոնք ոչ մի բարոյական սահմանի մեջ չեն տեղավորվում։
«Այսօր արդեն ակնհայտ է դարձել, որ հետապնդվում են բոլոր ընդդիմադիր ուժերի ղեկավարները»,- ընդգծեց Մ. Մանուկյանը՝ հիշեցնելով Գագիկ Ծառուկյանին, Սամվել Կարապետյանին, Ռոբերտ Քոչարյանին։
«Այստեղ կոռուպցիայի, թալանի կռիվ չէ։ Մարդիկ կալանավորված չեն ոչ կոռուպցիայի, ոչ թալանի համար։ Ռոբերտ Քոչարյանը կալանավորվել է իր պարտականությունները կատարելու համար։ Գագիկ Ծառուկյանը Նիկոլ Փաշինյանի համար եղել է խոշոր գործարար, իսկ այսօր ոխերիմ թշնամի է համարում։ Ծառուկյանին հետապնդում են, որովհետև ՔՊ-ին ստվերի պես հետևում է, որ իրենք գողացել են ԲՀԿ-ի ձայները, կեղծել են ընտրությունները, ու ընտրությունների կեղծելու կնիքը դրել է ԲՀԿ-ն ի դեմս Գագիկ Ծառուկյանի»,- ասաց Մեսրոպ Մանուկյանը։
