Կադրեր՝ ինչպես են Աբովյանում դանակահարում երիտասարդին

«5-րդ ալիք»-ը կադրեր է հրապարակել Աբովյանում տեղի ունեցած դանակահարությունից:

Ավելի վաղ հայտնել էինք, որ սպանություն և սպանության փորձ է տեղի ունեցել Կոտայքի մարզում: Ժամը 17:30-ին ՀՀ ՆԳՆ ահազանգ է ստացվել «Աբովյան» բժշկական կենտրոնից. հայտնել են, որ դանակահարության հետևանքով բուժկենտրոն է տեղափոխվել 2 քաղաքացի:

Ինչպես հայտնում է Գագիկ Շամշյանը, հիվանդանոց ժամանած ոստիկաններին բժիշկները հայտնել են, որ վիրավորներից մեկը, գիտակցության չգալով, մահացել է, իսկ մյուսը գտնվում է վիրահատարանում ու ի վիճակի չէ կատարվածի մասին բացատրություն տալ:

Ընթացքում պարզվել է, որ դեպքը տեղի է ունեցել Աբովյան քաղաքի Հանրապետության փողոցում։ Այնտեղ և հարակից՝ Օգոստոսի 23-ի փողոցում հայտնաբերել են արնանման հետքեր:

Դեպքի փաստով «սպանություն» և «սպանության փորձ» հատկանիշներով նախաձեռնվել է քրեական վարույթ։

Մահացածը 24-ամյա Սարգիս Զ-ն է: