Վազգեն Սաղաթելյանին կալանավորելու միջնորդությունը մակագրվել է դատավոր Նելլի Բաղդասարյանին, Նարեկ Սամսոնյանինը՝ Արտուշ Գաբրիելյանին
Վազգեն Սաղաթելյանին կալանավորելու միջնորդությունը մակագրվել է դատավոր Նելլի Բաղդասարյանին, Նարեկ Սամսոնյանինը՝ Արտուշ Գաբրիելյանին։
Այս մասին հայտնում են փաստաբաններ Արսեն Բաբայանը և Ռուբեն Մելիքյանը։
«Վազգեն Սաղաթելյանին կալանավորելու միջնորդությունը մակագրվել է Շենգավիթի նստավայրի դատավոր Նելլի Բաղդասարյանին:
Դատական նիստը նշանակվել է այսօր, ժամը 23:00-ին»,- գրել է Բաբայանը:
«Նարեկ Սամսոնյանին կալանավորելու միջնորդությունը «մակագրվել է» դատավոր Արտուշ Գաբրիելյանին։ Նիստը կսկսվի շուտով՝ երևի մաքսիմում մեկ - մեկուկես ժամից Շենգավիթի դատարանում»,-հայտնում է Մելիքյանը։
Հիշեցնենք, որ այսօր ձեռբակալել էին Նարեկ Սամսոնյանին և Վազգեն Սաղաթելյանին։
ՔԿ-ն հայտնել էր, որ Նարեկ Սամսոնյանին և Վազգեն Սաղաթելյանին մեղադրանք է ներկայացվել՝ հաղորդակցական տեխնոլոգիաներն օգտագործելով խմբի կազմում խուլիգանություն կատարելու համար։
