Իրանի ժողովրդի պաշտպանությունը և Հորմուզի նեղուցում Իրանի շահերի ապահովումը մեր սկզբունքներից են, և մենք դրանք իրականացնում ենք․ Արաղչի

Իրանը չի զիջի ԱՄՆ ճնշմանը և սպառնալիքներին, այս մասին հայտարարել է Իրանի ԱԳ նախարար Աբբաս Արաղչին։

«Իրանը ցույց է տվել, որ չի զիջի ամերիկյան ճնշմանը, և մենք ոչ մի դեպքում չենք արձագանքի ուժի, ճնշման կամ սպառնալիքների լեզվին։

Մենք չենք վախենում սպառնալիքներից, չենք զիջում ճնշմանը և չենք հանդուրժի սպառնալիքների լեզուն։ Մենք ունենք սկզբունքային քաղաքականություն և շարունակում ենք հետևել դրան։

Իրանի ժողովրդի պաշտպանությունը և Հորմուզի նեղուցում Իրանի շահերի ապահովումը մեր սկզբունքների շարքում են, և մենք դրանք իրականացնում ենք։ Մինչև Իրանի ժողովրդի օրինական նպատակներն ու պահանջները բավարարվեն, բնական է, որ մենք կշարունակենք մեր ուղին։

Իրանի Իսլամական Հանրապետության դիրքերն այժմ շատ ավելի բարձր և ուժեղ են, քան անցյալում, և մենք այս պատերազմից դուրս եկանք ավելի ուժեղ, և ապագայում այս փուլը կհաղթահարենք ավելի ուժեղ։

Կարևորն այն է, որ Իրանի Իսլամական Հանրապետությունն այժմ ճանաչվում է որպես ուժեղ, դիմացկուն և կայուն երկրի խորհրդանիշ, և մենք ապագայում կշարունակենք շարժվել այս ճանապարհով»,-հայտարարել է Իրանի արտաքին գործերի նախարարը։