Քիմ Քարդաշյանը «հեռու է մնում» Քանյե Ուեսթից սոցցանցերում նրա «անհանգստացնող» հակասեմիտական ​​հայտարարություններից հետո

Հաղորդվում է, որ Քիմ Քարդաշյանը հեռու է մնում իր նախկին ամուսնուց՝ Քանյե Ուեսթից, սոցցանցերում նրա ծայրահեղ «անհանգստացնող» հակասեմիտական ​​հայտարարություններից հետո, գրում է Daily Mail-ը:

Ասում են, որ 44-ամյա ռեալիթի աստղը «այս պահին հեռու է մնում Քանյեից եւ չի ցանկանում որեւէ առնչություն ունենալ նրա դրամայի հետ»:

«Քիմը չի կարդացել Քանյեի հրապարակած բոլոր հաղորդագրությունները, քանի որ դրանք չարժեն նրա ժամանակն ու էներգիան»,- ինսայդերներից մեկը պատմել է Page Six-ին:

Աղբյուրը հավելել է, որ SKIMS-ի հիմնադիրը «ընդհանրապես չի կապվել Քանյեի հետ»՝ նրա վերջին հակասությունների ֆոնին:

Սա տեղի է ունենում մեկ շաբաթ անց այն բանից հետո, երբ Քանյեն եւ նրա ներկայիս կինը՝ Բիանկա Սենսորին, «Գրեմմի»-ի ժամանակ սկանդալ հրահրեցին Բիանկայի չափազանց բաց զգեստի պատճառով:

Քարդաշյանն ու Ուեսթը նախկինում ամուսնացած են եղել մոտ յոթ տարի, մինչեւ Քիմն ամուսնալուծության հայց ներկայացրեց 2021 թվականին։