«Դիակներ անարգողները ներողություն են ակնկալում»․ Սոֆյա Հովսեփյան

ԱԺ նախկին պատգամավոր Սոֆյա Հովսեփյանը ֆեյսբուքյան իր էջում գրել է. «Դիակներ անարգողներն ակնկալում են ներողություն: Մի կյանք էլ ապրեմ, միևնույն է սրբապիղծ եմ համարելու դիակ անարգողին, այն էլ զինվորի դիակ:

Ստատուսախեղդ արեք համացանցն ու համարեք, որ դատարանը արդար որոշում է կայացրել, բայց...»:

Հիշեցնենք՝ Աշխատանքի և սոցիալական հարցերի նախարար Արսեն Թորոսյանն այսօր գրել էր․ «Ուզում եմ տեղեկացնել, որ հերթական դատական գործն ենք շահել բոլոր ատյաններում, և դատարանը պարտավորեցրել է Սոֆյա Հովսեփյանին ներողություն խնդրել` տեղադրելով հետևյալ հայտարարությունը:

«Ես՝ Սոֆիա Հովսեփյանս, ներողություն եմ խնդրում Արսեն Թորոսյանից

04.08.2023 թվականին ես Ֆեյսբուք սոցիալական կայքի իմ անձնական էջում կատարել եմ հրապարակում պարոն Թորոսյանի վերաբերյալ: Հայտնում եմ, որ հրապարակումն իր մեջ պարունակում է վիրավորական արտահայտություններ Արսեն Թորոսյանի վերաբերյալ, ինչի համար ներողություն եմ խնդրում պարոն Թորոսյանից»»։