Թրամփը Covid-ն անվանել է «չինական վիրուս»
- Elen Hovsepyan
- Jul 19, 2024
- 1 min read
Նախագահի հանրապետական թեկնածու Դոնալդ Թրամփը COVID-19-ը անվանել է «չինական վիրուս»։ Ելույթ ունենալով Միլուոկիում Հանրապետականների ազգային համագումարի ժամանակ՝ հանրապետականը նշել է Չինաստանի հետ առևտրային գործարքը, որը կնքվել էր իր առաջին նախագահության ժամանակ՝ այն անվանելով «դարի գործարք»:
«Նրանք գնել են 50 միլիարդ դոլարի մեր արտադրանքը, բայց ես դա չեմ էլ նշում COVID-ի պատճառով, չեմ էլ նշում, ճիշտն ասած, չինական վիրուսային իրավիճակի պատճառով», - ասել է նա։
ԱՄՆ-ի և Չինաստանի միջև առևտրային գործարքի առաջին փուլի մասին համաձայնագիրը ստորագրվել է 2020 թվականի հունվարի 15-ին Վաշինգտոնում։ Այնուհետև Չինաստանը համաձայնեց առաջին տարվա ընթացքում 76,7 միլիարդ դոլարով ավելացնել ամերիկյան ապրանքների գնումները, իսկ համաձայնագրի երկրորդ տարում՝ 123,3 միլիարդ դոլարով:
Դեմոկրատ Ջո Բայդենը, ով փոխարինել է Թրամփին ԱՄՆ նախագահի պաշտոնում, ասել է, որ գործարքը ձախողվել է, բայց չի չեղարկել չինական ապրանքների վրա Թրամփի օրոք սահմանված ավելացված մաքսատուրքերը։
