Նիժնի Նովգորոդ-Երևան չվերթի թռիչքը հետաձգվել է գրեթե 9 ժամով
- Elen Hovsepyan
- Jul 16, 2024
- 1 min read
Redwings ավիաընկերության Նիժնի Նովգորոդից Երևան չվերթը հուլիսի 16-ին հետաձգվել է 9 ժամով, հայտնել է «Коммерсантъ»-ը։ Տրանսպորտային դատախազության տվյալներով՝ ինքնաթիռը պետք է օդ բարձրանար 10:50-ին։ Առայժմ մեկնումը հետաձգվում է մինչև 19:30-ը։
Թռիչքի համար ընդհանուր առմամբ, գրանցվել է ավելի քան 80 ուղևոր։ Ըստ ռուսական լրատվամիջոցների՝ ավիաընկերությունը ուղևորներին ծառայություններ է մատուցել դաշնային ավիացիոն կանոնակարգի համապատասխան, ներառյալ՝ հյուրանոցում տեղավորումը։
Նիժնի Նովգորոդի օդանավակայանում աշխատում են տրանսպորտային դատախազները. Ուղևորների համար շարժական ընդունարան է բացվել։
