ՌԴ ԱԳՆ հայտարարություն է տարածել Իսրայելի տարածքի վրա հարձակման մասին
ՌԴ ԱԳՆ-ն հայտարարություն է տարածել Իսրայելի տարածքի վրա Իրանի գիշերային հարձակման հետ կապված: Դրանում մասնավորապես ասվում է, որ «Իրանի ԱԳՆ-ի հաղորդմամբ՝ այս հարձակումն իրականացվել է ՄԱԿ-ի կանոնադրության 51-րդ հոդվածի համաձայն ինքնապաշտպանության իրավունքի շրջանակում»:
«Ապրիլի 14-ի գիշերը մեծ քանակությամբ հրթիռներ և անօդաչու սարքեր են արձակվել Իսրայելի ուղղությամբ։ Իրանի ԱԳՆ-ի հաղորդմամբ՝ այս հարձակումն իրականացվել է ՄԱԿ-ի կանոնադրության 51-րդ հոդվածի համաձայն ինքնապաշտպանության իրավունքի շրջանակում՝ ի պատասխան տարածաշրջանում իրանական օբյեկտների վրա, այդ թվում՝ ապրիլի 1-ին Դամասկոսում Իրանի դեսպանատան հյուպատոսական բաժանմունքի վրա հարձակմանը, ինչը մեր երկիրը խստորեն դատապարտել է:
Ցավոք, արևմտյան անդամների դիրքորոշման պատճառով ՄԱԿ-ի Անվտանգության խորհուրդը չկարողացավ համարժեք արձագանքել Իրանի հյուպատոսական ներկայացուցչության վրա հարձակմանը։
