Բելառուսը դարձավ Շանհայի համագործակցության կազմակերպության անդամ
Jul 4, 2024
1 min read
Աստանայում Շանհայի համագործակցության կազմակերպության (ՇՀԿ) գագաթնաժողովը սկսվել է կազմակերպության կազմում Բելառուսի ընդունման վերաբերյալ փաստաթղթերի ստորագրմամբ։ Լուրը հայտնում է «ՌԻԱ նովոստի»-ի թղթակիցը։
«Հարգելի պետությունների ղեկավարներ, ՇՀԿ-ին Բելառուսի Հանրապետության լիիրավ անդամակցության մասին որոշումն ընդունված է»,-հայտարարել է Ղազախստանի նախագահ Կասիմ-Ժոմարտ Տոկաևը։
Այնուհետեւ նա շնորհավորել է Բելառուսի նախագահ Ալեքսանդր Լուկաշենկոյին։
«Ձեր երկիրը կարճ ժամանակահատվածում ավարտել է բոլոր անհրաժեշտ ընթացակարգերը Շանհայի համագործակցության կազմակերպությանը լիիրավ անդամակցության համար»,- հավելել է Տոկաևը։
