Ունենք խնդրի բացահայտման որոշակի պատկեր․ «Տաշիր Պիցցան»՝ թունավորման մասին

«Տաշիր Պիցցա» ընկերությունը հայտարարություն է տարածել, որում, մասնավորապես, նշված է․

««Տաշիր Պիցցայի» սիրելի հաճախորդներ,

Ցանկանում ենք տեղեկացնել, որ մեր և համապատասխան գերատեսչական մարմինների համատեղ օպերատիվ աշխատանքների արդյունքում արդեն ունենք որոշակի պատկեր՝ խնդրի բացահայտման հետ կապված։

ՀՀ առողջապահության նախարարության և Սննդի անվտանգության տեսչական մարմնի պաշտոնական հայտարարությունից հետո հնարավորինս շուտ կտեղակացնենք մեր մասնաճյուղերի վերաբացման մասին։ Մեզ համար առաջնահերթություն է մեր հաճախորդների առողջությունը։

Շնորհակալ ենք աջակցության և համբերատարության համար»։