Նեապոլի պատմության մեջ ամենաուժեղ երկրաշարժն է տեղի ունեցել. Մարդիկ խուճապահար են
Իտալիայի Նեապոլ քաղաքի մոտակայքում գտնվող Կամպի Ֆլեգրեյ հրաբխային շրջանում տեղի է ունեցել 4.7 մագնիտուդով երկրաշարժ։ Այն խուճապ է առաջացրել բնակիչների շրջանում, քանի որ ցնցումները մարդկանց ստիպել են դուրս գալ փողոցներ: Իտալական լրատվամիջոցները այն բնութագրել են որպես տարածաշրջանում երբևէ գրանցված ամենաուժեղ երկրաշարժերից մեկը։
«Ռոյթերզ»-ի փոխանցմամբ, մոտ 3 կմ խորության վրա տեղի ունեցած երկրաշարժը առաջացրել է էլեկտրաէներգիայի անջատումներ, խափանել է մետրոյի և երկաթուղային ծառայությունների աշխատանքը, ինչպես նաև վնասել է շենքեր։
Իշխանությունները նախազգուշական նպատակով դադարեցրել են տեղական տրանսպորտային ծառայությունները։
Նեապոլի արևմուտքում գտնվող խիտ բնակեցված հրաբխային շրջան Կամպի Ֆլեգրեյում վերջին տարիներին աճել է սեյսմիկ ակտիվությունը, ինչը մտահոգություններ է առաջացնում հետագա ուժեղ ցնցումների հնարավորության վերաբերյալ։
