Երևանում կայացած ԵՄ գագաթնաժողովին Զելենսկու մասնակցությունից հետո ՌԴ Պետդումայում պարկեշտությունից են խոսել
Ուկրաինայի առաջնորդ Վլադիմիր Զելենսկու մասնակցությամբ Հաղթանակի օրվան ընդառաջ Հայաստանում գագաթնաժողովի անցկացումը չի կարելի անվանել բարեկամական քայլ Ռուսաստանի նկատմամբ։ Այս մասին Telegram-ի իր ալիքում գրել է Պետդումայի խոսնակ Վյաչեսլավ Վոլոդինը։
Նա նշել է, որ երևանյան միջոցառմանը եկել էին հանրապետության վարչապետ Նիկոլ Փաշինյանի բազմաթիվ հյուրեր, իսկ Զելենսկին, ըստ ռուս պատգամավորի, եղել է Հայաստանի կառավարության ղեկավարի «անձնական» հյուրը։
«Դա միանգամայն ակնհայտ է. Նիկոլ Վովայի արարքը չի կարելի անվանել բարեկամական քայլ մեր երկրի, Ռուսաստանի քաղաքացիների և հայ ժողովրդի նկատմամբ»,- նշել է Վոլոդինը։
Նա բացատրեց, որ այս իրավիճակում խոսքը բարոյականության և պարկեշտության մասին է, այլ ոչ թե առանձին պետությունների ինքնիշխանության։ Ռուս և հայ ժողովուրդների միջև ձևավորվել է ամենասերտ հարաբերություններից մեկը։
«Ընդ որում, Ռուսաստանի Դաշնությունում գրեթե նույնքան հայ է ապրում, որքան հանրապետությունում»,-ասել է խորհրդարանականը։
Վոլոդինը եկել է այն եզրակացության, որ Ռուսաստանի Դաշնության և Հայաստանի հարաբերություններում ավելի մեծ լարվածություն է լինելու։
