Բաքվում «Ռուսական տան» հարցը կարող է և պետք է լուծվի. Միխայիլ Գալուզին

Ռուսաստանը շփման մեջ է ադրբեջանական կողմի հետ և աշխատում է «Ռուսական տան» հնարավոր փակման հարցի կարգավորման ուղղությամբ: Այս մասին «Իզվեստիա»-ին հայտնել Է ՌԴ փոխարտգործնախարար Միխայիլ Գալուզինը:

«Մենք ցանկանում ենք կարգավորել հարցը, որպեսզի այն («Ռուսական տուն») չփակվի։ Այս թեմայի շուրջ աշխատում ենք ադրբեջանական կողմի հետ։ Ելնում ենք նրանից, որ այդ հարցը կարող է և պետք է լուծվի Ռուսաստանի և Ադրբեջանի միջև դաշնակցային փոխգործակցության հարաբերությունների շրջանակներում։ Մենք կարծում ենք, որ հենց այդպես պետք է նման հարցերին մոտենալ և անել հնարավոր ամեն ինչ, որպեսզի մեր երկրների քաղաքացիները կարողանան ազատորեն Ռուսաստանի և Ադրբեջանի համապատասխան կառույցների միջոցով ծանոթանալ միմյանց մշակույթին, սովորույթներին»,- ասել է նա:

Նշենք՝ 2025 թվականի փետրվարի 3-ին Բաքուն նոտա է հղել Մոսկվային՝ «Ռուսական տան» գործունեությունը դադարեցնելու մասին։