ԱՊԼ. «Մանչեսթեր Սիթի»-ն հաղթեց «Սանդերլենդ»-ին, «Լիվերպուլը»-ը՝ «Բորնմուտ»-ին
Անգլիայի Պրեմիեր լիգայի 2026/27 մրցաշրջանի 5-րդ տուրում «Մանչեսթեր Սիթին» սեփական հարկի տակ գերգոլառատ խաղում առավելության հասավ «Սանդերլենդի» նկատմամբ (5-3):
Հանդիպման հաշիվը 9-րդ րոպեին բացեց Էնցո Ֆերնանդեսը, սակայն 12-րդ րոպեին հյուրերի հարձակվող Բրայան Բրոբին վերականգնեց հավասարությունը: 29-րդ րոպեին Ռայան Շերկին կրկին առաջ մղեց տանտերերին, բայց 33-րդ րոպեին Բրոբին խփեց իր երկրորդ գնդակը: Առաջին խաղակեսի վերջնամասում՝ 43-րդ րոպեին, Անտուան Սեմենյոն դարձյալ առաջ մղեց «քաղաքայիններին»:
Երկրորդ խաղակեսում՝ 57-րդ րոպեին, նույն Սեմենյոն դարձավ դուբլի հեղինակ: Ընդամենը 2 րոպե անց՝ 59-րդ րոպեին, Բրոբին ձևակերպեց հեթ-տրիկ՝ կրճատելով հաշվի տարբերությունը: Խաղի վերջակետը 81-րդ րոպեին դրեց Էրլինգ Հալանդը:
Զուգահեռաբար ընթացող խաղում «Լիվերպուլը» հյուրընկալվելիս նվազագույն հաշվով առավելության հասավ «Բորնմուտի» նկատմամբ (0-1): Մերսիսայդցիների միակ և հաղթական գոլը հանդիպման 57-րդ րոպեին հեղինակեց Ալեքսանդր Իսակը:
Այս հաղթանակի շնորհիվ «Մանչեսթեր Սիթին» վաստակած միավորների քանակը հասցրեց 15-ի և շարունակում է միանձնյա գլխավորել Պրեմիեր լիգայի մրցաշարային աղյուսակը, իսկ «Սանդերլենդը» 4 միավորով 14-րդ տեղում է: Ինչ վերաբերում է «Լիվերպուլին», ապա թիմը 9 միավորով 6-րդն է, իսկ «Բորնմուտը» 3 միավորով զբաղեցնում է 17-րդ հորիզոնականը:
