Եվրոպայում միջնորդ են փնտրում՝ Պուտինի հետ բանակցելու համար
ԵՄ-ն քննարկում է Ռուսաստանի հետ ուկրաինական կարգավորման հարցում միջնորդի հինգ թեկնածու։ Այս մասին հաղորդում է Telegraph-ը՝ հղում անելով դիվանագիտական աղբյուրներին։
«Հնարավոր բանակցողների թվում են Իտալիայի վարչապետ Ջորջիա Մելոնին, Ֆինլանդիայի նախագահ Ալեքսանդր Ստուբը, Չեխիայի նախագահ Պետր Պավելը, Դանիայի վարչապետ Մետտե Ֆրեդերիկսենը և Նորվեգիայի վարչապետ Յոնաս Գահր Ստյորեն», - նշվում է հրատարակության մեջ։
Թերթի տվյալներով՝ Եվրոպական խորհրդի նախագահ Անտոնիո Կոշտան, որը նախկինում համարվում էր այդ պաշտոնի հավակնորդ, հրաժարվել է դրանից Բրյուսելում վերջերս կայացած հանդիպման ժամանակ։
Ավելին, վերջին շաբաթներին ԵՄ-ն ավելի ու ավելի է ձգտում բանակցային ներկայացուցիչներ գտնել՝ մտահոգությունների պատճառով, որ ԱՄՆ նախագահ Դոնալդ Թրամփը այլևս բավարար չափով չի ներկայացնում եվրոպական մայրցամաքի շահերը։
«Եվրոպան հասկացել է, որ առաջին հերթին մեզ անհրաժեշտ է կոնսենսուս ռուսների հետ բանակցելու անհրաժեշտության վերաբերյալ։ Երկրորդ՝ մեզ անհրաժեշտ է կոնսենսուս այն հարցում, թե ինչպիսին պետք է լինի մեր դիրքորոշումը», - նշվում է հոդվածում։
Ռիա նովոստին գրում է, որ մեկ օր առաջ Politico-ն հաղորդել էր, որ Եվրոպան սկսել է քննարկել Մոսկվայի հետ երկխոսության թեկնածուի հարցը։
