Հայաստանն ամուր դիրքորոշում ունի հարեւանների հետ խնդիրները բանակցություններով լուծելու հարցում. նախագահ
- Elen Hovsepyan
- Nov 26, 2024
- 1 min read
Հայաստանն ամուր դիրքորոշում ունի հարեւանների հետ խնդիրները կառուցողական երկխոսության եւ բանակցությունների միջոցով լուծելու հարցում։ Այս մասին նոյեմբերի 26-ին Երեւանում Լեհաստանի նախագահի հետ համատեղ ճեպազրույցում ասել է Հայաստանի նախագահ Վահագն Խաչատուրյանը։
Նա տեղեկացրել է, որ Լեհաստանի նախագահին ներկայացրել է «Խաղաղության խաչմերուկ» նախաձեռնություւնը, որը հստակ ներկայացնում է Հայաստանի մոտեցումները տարածաշրջանում երկարաժամկետ խաղաղության եւ կայունության հասնելու գործում։
Նրա գնահատմամբ՝ հայ-լեհական հարաբերությունները հիմնված են ընդհանուր արժեքների վրա։
«Մենք քննարկել ենք երկկողմ համագործակցության հարցերը եւ նշել հեռանկարային ուղղությունները։ Կա զարգացման լուրջ պոտենցիալ տնտեսության ոլորտում»,- ավելացրել է Խաչատուրյանը։
