«Նա հիմա երիտասարդ տղամարդ է». Մելանյա Թրամփը ակնարկել է 20-ամյա Բարոնի հետ հարաբերությունների փոփոխությունների մասին
Մելանիա Թրամփը անսպասելիորեն անկեղծորեն խոսել է որդու՝ Բարոնի հետ իր հարաբերությունների մասին և, դատելով նրա խոսքից, ակնարկել է, որ 20-ամյա ժառանգորդը այլևս չի ձգտում այնքան ժամանակ անցկացնել իր հետ, որքան նախկինում։
56-ամյա ԱՄՆ առաջին տիկինը ելույթ է ունեցել Fox Business-ի The Big Money Show-ում։ Հաղորդավար Թեյլոր Ռիգսը հարցրել է Մելանյային, թե ինչպես է նա կարողանում ժամանակ գտնել իր ընտանիքի համար՝ հաշվի առնելով իր խիտ գրաֆիկը։
Մելանյան խոստովանել է, որ իր ամուսնուն՝ ԱՄՆ նախագահ Դոնալդ Թրամփին, և իր որդուն՝ Բարոնին, այնքան հաճախ չի տեսնում, որքան կցանկանար։
Մելանյան խորհուրդ է տվել մյուս զբաղված ծնողներին նախապես պլանավորել ընտանեկան ժամանակը։ «Լավ է պլանավորել։ Դա միշտ լավ է, քանի որ բոլորը շատ զբաղված են», - բացատրել է նա։
Այնուհետև առաջին տիկինը բացահայտել է, որ իր համար նույնպես դժվար է ժամանակ անցկացնել ամուսնու հետ՝ նրա աշխատանքային գրաֆիկի պատճառով։ «Իմ ամուսինն աշխատում է, երբեմն նա Օվալաձև աշխատասենյակում է մինչև գիշերվա ժամը 9:30-ը: Կսպասե՞ք նրան մինչև այդ, որ ընթրի: Ոչ: Նա զբաղված է, ես էլ զբաղված եմ», - ասել է Մելանյան։
«Ընտանեկան ժամանակը գնալով պակասում է, և մենք տառապում ենք դրանից: Բայց դա նորմալ է: Մենք այստեղ ենք աշխատելու, մեր աշխատանքը լավ կատարելու համար, և դա ամենակարևորն է», - ավելացրել է նա։
Խոսելով Բարոնի մասին, ով այժմ սովորում է Նյու Յորքի համալսարանում, Մելանյան նշել է, որ նա արդեն հասուն երիտասարդ է դարձել։
«Բարոնն այժմ երիտասարդ տղամարդ է, ուստի երբեմն նա նույնիսկ կարող է ուրախ լինել, որ ես պարզապես զբաղվում եմ իմ գործերով: Եվ դա նորմալ է», - ասել է առաջին տիկինը։
Այս խոսքերը հնչում են այն լուրերի ֆոնին, որ Բարոնը վերջերս բավականին մեկուսացած կյանք է վարում։
Անցյալ ամիս հաղորդվել էր, որ նախագահի 20-ամյա որդին գործնականում մտել է մի տեսակ «պաշտպանիչ փուչիկի» մեջ՝ հոր շուրջ ուժեղացող քաղաքական բռնության ֆոնին։ «Նա ոչ մի տեղ չի գնում», - այդ ժամանակ ասել էր Թրամփ ընտանիքի մտերիմ շրջապատին ծանոթ աղբյուրը: Մեկ այլ աղբյուր Բարոնին նկարագրել է որպես բավականին ինքնամփոփ երիտասարդ:
Մելանյայի վերջին հայտարարություններից անկախ, հաղորդվել է, որ Բարոնը ամռան մեծ մասն անցկացրել է մոր հետ Նյու Ջերսիի Բեդմինստերի «Trump National Golf Club»-ում:
