Բժիշկը զգուշացրել է ժամկետանց կոսմետիկայի վտանգների մասին
- Elen Hovsepyan
- Jun 10
- 1 min read
Ժամկետանց կոսմետիկան կարող է վնասել մաշկի առողջությանը և առաջացնել ալերգիա, քոր և ցան, «Մոսկվա 24»-ին ասել էմաշկաբան, ուռուցքաբան և կոսմետոլոգ Եկատերինա Վերտիեւան։
Ըստ նրա՝ դա կարող է նաև քրոնիկ հիվանդությունների սրացում առաջացնել։
«Ժամկետանց կոսմետիկան կարող է սրել քրոնիկ մաշկային հիվանդությունների՝ էկզեմայի, պերիորալ կամ սեբորեային դերմատիտի ընթացքը», - բացատրել է բժիշկը։
Վերտիեւան նշել է, որ ժամկետանց կոսմետիկայի մեջ պարունակվող քիմիական նյութերը փոխում են իրենց կառուցվածքը և վտանգավոր դառնում են էպիդերմիսի համար։ Խնամքի միջոցները կարող են ավելի շատ վնաս հասցնել, քան դեկորատիվները, քանի որ դրանք ավելի խորն են թափանցում մաշկի մեջ։
Կոսմետոլոգը խորհուրդ է տվել ուշադրություն դարձնել կոսմետիկայի գույնի, կոնսիստենցիայի և հոտի փոփոխություններին, քանի որ դա կարող է ժամկետանց արտադրանքի նշան լինել։
