«Հոկտեմբերի 27-ի աշխարհաքաղաքական շահառուները հակահայկական ու ՀՀ-ին թշնամի ուժերն էին»․ Էդուարդ Շարմազանով
- Elen Hovsepyan
- Oct 27
- 1 min read
ՀՀԿ Գործադիր մարմնի անդամ Էդուարդ Շարմազանովի ֆեյսբուքյան գրառումը. «1999-ի հոկտեմբերի 27-ի ոճիրն ուղղված էր Հայոց պետականության և իշխող քաղաքական թիմի՝ «Միասնություն» դաշինքի /ՀՀԿ-ի և ՀժԿ-ի/ դեմ։
Այն մեծ հարված էր նաև Հանրապետական կուսակցությանը։
Սպանվեցին Հանրապետականի առաջնորդ Վազգեն Սարգսյանը, ՀՀԿ ղեկավարներից Յուրի Բախշյանն ու անվանի ազատամարտիկ, Վազգենի զինակից Արմենակ Արմենակյանը։
Հոկտեմբերի 27-ի ահաբեկչությունը մեր նորագույն պատմության ամենաողբերգական էջերից է։
Այն կրակոց էր նաև ուղղված հայկական Արցախի ու մեր «պատմական կաղապարների» դեմ։
Հոկտեմբերի 27-ի աշխարհաքաղաքական շահառուները հակահայկական ու ՀՀ-ին թշնամի ուժերն էին, ովքեր դեմ էին Վազգեն Սարգսյան-Ռոբերտ Քոչարյան-Սերժ Սարգսյան միասնական տեսակետին Արցախյան հարցում։
Իմ խորին համոզմամբ, այս ոճրագործությունը հարված էր Ազատ ու Անկախ Արցախի նկատմամբ ևս, որն իր շարունակությունը ստացավ 2018-ի իշխանափոխությամբ ու 2020-ի նոյեմբերի 9-ի կապիտուլյացիայով, 2022-ի հոկտեմբերի 6-ին Արցախն Ադրբեջանի մաս ճանաչելով ու 2023-ի սեպտեմբերին Արցախի հայաթափումով։
Դժբախտաբար, մեր պետականության դեմ «կրակոցները» շարունակվում են նաև այսօր՝ «խաղաղության», բայց ըստ էության՝ Հայաստանի ադրբեջանացման կործանարար օրակարգի քողի տակ։
Լույս և խաղաղություն Կարեն Դեմիրճյանի, Վազգեն Սարգսյանի, Ռուբեն Միրոյանի, Յուրի Բախշյանի, Միքայել Քոթանյանի, Լեոնարդ Պետրոսյանի, Հենրիկ Աբրահամյանի և Արմենակ Արմենակյանի հոգիներին:
Աստված պահապան Հայաստանին»։
