«Ծեծի ենթարկված ակտիվիստը զանգահարում է ոստիկանություն, պարզվում է՝ ոստիկան չկա, բոլորը Գյումրիում են»․ Ագնեսա Խամոյան
- Elen Hovsepyan
- Oct 21
- 1 min read
«Երեկ Գյումրիում տեսանք բազմաթիվ ոստիկանական ուժեր, և նույն ժամանակահատվածում Երևանում ծեծի է ենթարկվում ակտիվիստ, որը զանգահարում էոստիկանություն՝ մասնավորապես Նոր-Նորքի բաժին, և պարզվում է, որ այդտեղ ոստիկան չկա, որովհետև ոստիկանությունն ամբողջ ուժերը կենտրոնացրել է Գյումրիում։ Քաղաքացին ստիպված, ծեծված, իր ոտքով գնում է ոստիկանության բաժին՝ հաղորդում ներկայացնելու։ Ո՞նց ա ստացվում, որ մեր ոստիկանությունն իր ուժերը շատ լավ, պետք է խոստովանեմ՝ պրոֆեսիոնալ կերպով կարող է բաշխել և վերաբաշխում կազմակերպել, երբ խոսքը վերաբերում է քաղաքական որևէ դրվագի, ունի քաղաքական աստառ, ինչո՞ւ նույն պրոֆեսիոնալիզմով չեք բացահայտում բազմաթիվ հանցագործություններ»,- այսօր ԱԺ նիստին «Հայաստան» խմբակցության պատգամավոր Ագնեսա Խամոյանը հարցն ուղղեց ՆԳՆ փոխնախարար Արմեն Մկրտչյանին։
«Ես, ճիշտն ասած, կասկածում եմ, որ ահազանգ տրված լինի Նոր Նորքի բաժին կամ 1-02 և այնտեղից պատասխան հնչի, որ այս պահին բավարար ուժեր չկան, որ մոտենան։ Մնացած առումով նշեմ, որ ոստիկանական ուժերը ցանկացած միջոցառման, ըստ անհրաժեշտության, ներգարվվում են համապատասխան հաշվարկների հիման վրա»,- պատասխանեց պաշտոնյան:
