Մի ողջ ՔՊ–ական ոհմակ սկսել է թուրքի ապրանքների գովազդը. զոհվածի մայր

Մի ողջ ՔՊ–ական ոհմակ սկսել է թուրքի ապրանքների գովազդը, առևտուր պետք է անենք, ելնեք վերև իջնեք ցած, միասնական շուկա է լինելու ու նմանատիպ վայրահաչոցներ։ Այս մասին Facebook–ի իր էջում գրել է 44–օրյա պատերազմում զոհված Մխիթար Գալեյանի մայրը՝ Աստղ Գալեյանը։

Նա, մասնավորապես, նշել է. «Ու էս ամենը հենց հիմա, երբ հազարավոր ծնողներ ապրում են իրեն կյանքի կարմիր աշունը, երբ հազարավոր ծնողներ վերհիշում են իրենց անհոգ, երջանիկ օրերը հինգ տարի առաջ, երբ հաշված օրերից հետո 44-օրյա ծախված պատերազմի 5-րդ տարլիցն է ու մոտենում է մեր տղաների հիշատակի օրերը։

Սրանք ինչքան ուժ ունեն խոցում են ու արնաքամ են անում մեզ՝ անվերջ ցավացնելով ու մոռացության տալով Արցախը ու Արցախի համար կյանք տված հերոսներին։

Քեմալիստներ, ձեր կյանքը հանդարտ չի լինելու, դուք Հայաստանի որ անկյունում էլ լինեք, վախենալու եք ձեր իսկ շվաքից, որովհետև դավաճանը հանգիստ ապրել չի կարող»։